صباح الخير يا وجوه الخير🌞
الى حد الآن مخي مش قادر يستوعب الي يوم الاحد ممكن يكون اول نهار في الاسبوع😅🤯🤔
انا بالنسبة لي نهار الاحد ، حد ما يشوف حد 😁 و لذا مازال يعنيلي يوم الراحة و الانتخة و الbrunch اما بتوقيت محلي بالطبيعة.
المهم ، هذا اول جزء من الخرافة . ثاني و اهم جزء مانيش بش نقلكم الملاوي صنع ايديا و حياة عينيا و لا بش نعطيكم وصفة صحية للملاوي🤪 رغم الي الحاجة الوحيدة الي مش صحية فيه هي كمية الزيت الي يتعمل بيها.
[الملاوي : هو نوع من الخبز المورق الي يتعمل بماء و سميد (سمولينا) و برشاااااا زيت. حاجة تشبه للفطير المشلتت في مصر.] يا جماعة مانيش نشجع فيكم على التبلبيز اما حبيت نوريكم بالبرهان الي ممكن نغيروا عاداتنا الغذائية من غير لا تجويع و لا حرمان و نضعفوا في نفس الوقت. و هذاعلاش حبيت نوريكم كيفاش خطوات بسيطة ممكن نحولوا حاجة مش صحية لحاجة healthier.
اول حاجة: تمسحوه بمناديل ورقية بش تشرب كمية كبيرة من الزيت
ثاني حاجة: تتحكموا في الكمية الي تاكلوها. موش لازم الdouble ملاوي 😝
ثالث حاجة: بش تخليوه وجبة متكاملة و تشبع زيدوه مصادر بروتين ، دهون صحية و الياف.
عندكم الاختيارات واسعة و شاسعة:
البروتين: بيض، جبن و من المستحسن يكون قليل الدسم عندكم الجبن التستوري خيار مثالي انا استعملت جبن قشقوان ، صدر ديك رومي مدخن ، ممكن تستعملوا تونة
الدهون الصحية: الزيتون او زيت الزيتون، المكسرات، اي نوع متع زبدة مكسرات او طحينة
الألياف : الخضر و الفواكه و ليكم الاختيار و يفضل تختاروا فواكه الي نسبة النشويات فيها قليلة بش تعملوا توازن كيف الفراولة ، الكيوي، التوت بانواعو، الاناناس..
هي من برة من برة cheat meal لكن من داخل من داخل 3/4 او اكثر صحي.
نقلكم ان شاء الله نهاركم زين.
#healthyeating #healthybreakfast #iifym#iifymgirls#iifymrecipes #iifymmeal
#iifymlifestyle#photooftheday #picoftheday #fitnessmotivationdaily #fitgirl #fitnessaddict #fitgirls #healthychoices#picoftheday #وجبات_صحية دايتيون#ريجيم_بلا_حرمان#ريجيم_صحي#

#fitness_factory_35_breakfast_ideas
#fitness_factory_35_recipes



Source